Vande Mataram

My favorite poem during my childhood…

Chheen sakti hai nahin sarkar Vande Mataram
Ham garibon ke gale ka har Vande Mataram.

Sar chadon ke sar me chakkar, uss samay aate jarur
Kaanon mein pahunchi jahan, jhankar ‘Vande Matarm’

Jail mein chakki ghaseete, bhooka se veh mar raha
Phir bhi veh keh raha, bezar Vande Mataram

Maut ke munh mein veh khada, keh raha jallad se
Ghomp do seene mein, talvar Vande Mataram

Doctron ne nabz dekhi, sir hila kar keh diya
Isse to ho gaya hai, Aazar Vande Mataram

Eid Holi aur, Shubh Raat se bhi sau guna
Hai hamara ladala, tyohar Vande Mataram

Zalimon Ka Zulm to, Kafoor sa ud jayega
Faisla hoga, sare darbar Vande Mataram

Chheen sakti hai nahin sarkar Vande Mataram
Ham garibon ke gale ka har Vande Mataram…